Baratzeterapia. Baratzea, pertsonen garapenerako lanabes

Karabelekon badakigu baratzeak pertsonak loratzen laguntzen duela. Horregatik, lurra lantzearen onurei buruz ikasteko eta baratzeterapiaren gakoak ezagutzeko jardunaldia antolatu dugu.

Baratzegintzaren munduan ezagunak diren bi hizlari izango ditugu: Jakoba Errekondo paisajista eta agronomoa eta Kataluniatik etorritako Marc Olomi baratze-terapeuta eta ingurumen zientzietan aditua.  

Gainera, baratzea pertsonen garapenerako baliatzen duten Gipuzkoako hiru proiektu ezagutuko ditugu: Arraztalo elkartea, Uzturre-Herrikide Nagusilan baratzeak eta Karabeleko etxaldea.

Jardunaldia elebitan izango da: hitzaldi batzuk euskaraz eta besteak gaztelaniaz.

Otsailak 13, asteartea 

  • 9:00 - 9:15 Jardunaldira ongi etorria
  • 9:15 - 9:30 Jardunaldiaren aurkezpena
  • 9:30 - 10:30 'Lurretik dator jendartearen kalitatea'. Jakoba Errekondo, baratzegintzan aditua (euskaraz)
  • 10:30 - 11:30 Baratzeterapiaren oinarriak. Marc Olomi, baratze-terapeuta eta ingurumen zientzietan aditua (gaztelaniaz)
  • 11:30 - 12:00 Hamaiketakoa
  • 12:00 - 13:00 Gipuzkoako hiru proiekturen aurkezpena eta mahai-ingurua: Arraztalo, Uzturre-Herrikide-Nagusilan baratzea eta Karabeleko

 

Zatoz jardunaldira! 

Eman izena otsailaren 9a baino lehen karabeleko@gmail.com helbidera idatziz.

 ___________________

Jardunaldiaren edukiak

Baratzeterapiaren oinarriak

Landareen lanketa pertsonen garapenerako erabiltzean datza baratzezaintza terapeutikoa. Baratzegintza helburu terapeutikoekin baliatzea oso barneratua dago Erresuma Batua, Irlanda, Alemania, Kanada edo Ameriketako Estatu Batuak bezalako herrialdeetan, eta diziplina honen eraginkortasuna frogatua daukate. Terapeuta baratzezainen eskutik, pertsonen autonomia garatzeko eta gaitasunak eskuratzeko xedea du baratzeterapiak. Horrela, funtzionamendu fisiko eta kognitiboa hobetzen da, baita gizarte-ohiturak landu eta ohitura osasungarriak indartu ere, ongizate fisikoa eta psikologikoa lortze aldera. 

'Lurretik dator jendartearen kalitatea' hitzaldiaren azalpena

Gure jendartean gero eta garrantzi handiagoa ematen zaio ingurumenari, naturari, elikadura osasuntsuari, arnasten dugun airearen kalitateari eta ondorengoei zer bizimodu utziko diogunari. Ondorioz, ugaritzen ari dira lurrarekin loturak estutu eta bera lantzeko ekimenak: baratzea, lorategia, fruta-arbolak, basoa… Banakako eta familiakako ekimenak ugariak badira ere, aipagarriak dira arlo hauetan ematen ari diren ekimen komunitarioak: eskola baratzeak, Baratze Parkeak, herri baratzeak, inklusio baratzeak, elkarteen lur eta baso erosketak, kontsumo taldeak...

Arraztalo

Buruko osasun arazoak dituzten Oiartzungo hainbat senidek osatzen dute Arraztalo elkartea. Gaur egun, entitate honen jarduera nagusia euren baratze ekologikoen lanketa da, kolektibo honetako pertsonen laneratzea sustatzeko eta kontsumo taldea kudeatzeko.

Uzturre-Herrikide-Nagusilan

1.400 metro koadroko baratze eta lorategi gunea du proiektu honek eta bertan buruko osasun arazoak dituzten pertsonen laneratzea sustatzen da, baita haien gizarteratzea ere, kolektibo desberdinekin elkarlana sustatuz: Nagusilanekin eta Herrikideko DBH 4. mailako ikasleak.