Blog

GURE TOMATE UDAREKARA EKOLOGIKOA DASTATU DUZU?

Tomate haragitsua da, hazi gutxirekin, zapore gozoa eta oso usaintsua. Hobe da oso heldu dagoenean kontsumitzea.

Gure tomate udarekara Nafarroatik dator, Kaparrotsutik hain zuzen. Gure ekoizle eta lagun den Ricardok ekoizten ditu aire librean eta banan-banan eskuz jasotzen ditu. Bilketa mota honek, kalitatezko tomateak eskaintzeko aukera ematen digu, osasuntsuak, osoak eta egoera ezin hobean. Tomate saltsak, gazpatxoa, salmorejoa edo urte guztian kontsumitu ahal izango dugun kontserban prestatzeko heldutasun puntu onenean daude.

Azaloreak udan landatzen direla ba al zenekien?

Abuztua atsedenarekin lotzen badugu ere, guretzat jarduera handieneko sasoietako bat da, udazkeneko, neguko eta udaberriko hilabeteetan kontsumituko ditugun barazkiak erein eta landatzeko unea baita. Azalorea, adibidez.

Baina azalorea dastatzen hasteko egunak kontatzen ditugun bitartean, udako barazkiez gozatzen jarrai dezakegu: kalabazinak, piperrak, tomateak, piperminak, bainak, berenjenak…

 

 

Orriak