Zallako tipula gorriak zapore gozoa du, ez da batere mina eta, gainera, denbora luzez kontserba daiteke. Oraindik beroa egiten duenez, ezin hobea da gure entsaladetan gordinik jateko.
Aurten oso laguntzaile berezia izan dugu horiek biltzeko orduan: basurde bat. Tipulak prest utzi zizkigun kaxan sartzeko. Detaile oso polita bere aldetik! Izan ere, argazkian bere oinatza ikus daiteke.
Tomate haragitsua da, hazi gutxirekin, zapore gozoa eta oso usaintsua. Hobe da oso heldu dagoenean kontsumitzea.
Gure tomate udarekara Nafarroatik dator, Kaparrotsutik hain zuzen. Gure ekoizle eta lagun den Ricardok ekoizten ditu aire librean eta banan-banan eskuz jasotzen ditu. Bilketa mota honek, kalitatezko tomateak eskaintzeko aukera ematen digu, osasuntsuak, osoak eta egoera ezin hobean. Tomate saltsak, gazpatxoa, salmorejoa edo urte guztian kontsumitu ahal izango dugun kontserban prestatzeko heldutasun puntu onenean daude.
