Gehitu iruzkin berria

“Karabelekon lan egiteak baliagarri eta oso konpainia onean sentiarazten nau”

Hilabete darama Jose Ignaciok Karabelekora joaten eta hartu zuen erabakiarekin kontentu dago. Etxean “giltzapeturik” ez egoteko eta baratze lanei berriro ekiteko aukera ematen dio Karabelekora joateak. Zehazki, 14 urte eman zituen lanean orain etxalde berria dagoen lursailetan, eta egungo baratzeak eta instalazioak “askoz ere hobeak” direla uste du.

Bere kasuan, Karabelekora joateak zerbaitetarako balio duela sentiarazten dio eta “konpainia onean” dagoela aitortzen du. Lankideekin duen harreman onaz gain, “momentu oro psikologoek arreta ematen dietela” azpimarratzen du.

Baratzean zaletua da Jose Ignacio eta lursail propioa ere badauka. Gehien gustatzen zaizkion ekintzen artean, lekak jasotzea eta letxugak landatzea aipatzen ditu. “Zuk landatu duzuna hazten ikustea oso polita da, asko gustatzen zait prozesu hori”, dio irribarretsu.