Errehabilitazio psikosoziala

Buru gaixotasuna duten pertsonei eta baztertze arriskuan dauden beste kolektibo batzuei zuzenduriko errehabilitazio psikosozialerako zentroa ere bagara. Agifesek, Buru Gaixotasuna duten Pertsonen eta Senideen Gipuzkoako Elkarteak, Karabelekoren funtsezko helburuetako bat bete dadin bermatzen du: buru osasun arazoa duten pertsonak komunitatean txertatzen laguntzea. Pertsona horien eta beren senideen bizi-kalitatea hobetzeko xedea ere badu elkarteak, baita kolektiboarentzako kalitatezko zerbitzuak aldarrikatzea ere, gizarte, lan eta osasun arloetan.

Horretarako, gaixotasun mentala duten pertsonen errekuperazioa eta euren autonomia eta garapen pertsonala lantzeko jarduerak sustatzen ditu Agifesek.

Agifesek, Karabelekoren bitartez eta Blasenea eta Kimu Bat enpresekin elkarlanean, gizarte sentsibilizazioa ere bultzatu nahi du, buru gaixotasunen ezagutza zabalduz eta kolektibo honi eragiten dieten aurreitziak gainditzen lagunduz.

Proiektu hau baztertze arriskuan dauden beste kolektibo batzuei ere irekia dago.